Pagar Marathi Kavita

" पगार "

दोन महीने झाले अजून

पगार नाही झाला

बायको म्हणते सुटीमध्ये

फिरायला चला

                      फिरणं तर दुरच

                      ईथे खायचे झाले वांदे

                      संध्याकाळच्या भाजीमधले

                      गायब झाले कांदे

लेकरांचा हट्ट भारी 

पप्पा पावभाजी खाऊ 

खोटंनाट सांगतो त्यांना

ऊदया परवा जाऊ

                        आई म्हणते पोरा माझा

                            ड्रॉप आणुन देना

                         मी म्हणतो आई थोडं

                           Adjust करुन घेना

 बाबांच्याही चश्म्याचा

नेमका तुटला कांच

पगाराविना जीवास या

भलताच झाला जांच

                      किराण्याचे बिल थकले

                     दुधाचेही हाल

                      केबलवाला म्हणतो कसा

                     केबल काट डाल

पेपरवाला पाणीवाला

करतो नुसते फोन

बिल आमचे पाठवा साहेब

महिने झाले दोन

                     मुलांच्याही ॲडमिशनची

                         नोटीस आली घरी

                    असं वाटलं कॉन्ह्वेटपेक्षा

                          आश्रमशाळा बरी

घराच्याही हप्त्याची

जवळ आली तारीख

70 किलो वजनाचा मी

चिंतेन झालेा बारीक

                  लग्नसराईच्या धामधुमीत

                 बॅलन्स गेलं सरुनं

                  डोंगर चढला कर्जाचा

                 जावं वाटे मरुनं

 कुटूंबाचा आधार मी

निराधारासारखा जगतो

चातकासारखी पगाराची

फक्त वाट बघतो