माणूस काय करतो ?

माणूस काय करतो ?

कुढतो जास्त

अन् रडतो कमी

म्हणुन त्यांच ह्दय

धडधडत असतं नेहमी

 

बोलणं कमी झाल्यामुळे

प्रश्न निर्माण झालेत

सारं काही असूनही

एकलकोडे झालेत

 

भावनांचा कोंडमारा

होऊ देऊ नका

हसणं आणि रडणं

दाबून ठेऊ नका

 

आपल्या माणसांजवळ

व्यक्त झालं पाहिजे

खरं खरं दु:ख सांगून

मोकळं रडलं पाहिजे

 

हसण्याने,रडण्याने

दबाव होतो कमी

भावनांचा निचरा

ही FRESH होण्याची हमी

 

कुणाशी तरी बोला म्हणजे

हलकं हलकं वाटेल

दु:ख जरी असलं तरी

मस्त जगावं वाटेल

 

येऊद्यानं कंठ दाटून

काय फरक पडतो ?

आपल्या मानसाजवळच

गळयात पडून रडतो

 

आपली माणसं,आपली माणसं

बाजारात मिळत नसतात

नाती-गोती जपून ती

निर्माण करावी लागतांत

 

भौतिक साधनं जमवू नका

आपली माणसं जमवा

नाहीतर तुम्ही गरीब आहात

कितीही संपत्ती कमवा

 

हाय हॅलो चे मिञ बाबा

काही कामाचे नसतात

तुझी पाठ वळली की

कुचितपणे हसतात

 

हसण्यासाठी,रडण्यासाठी

माणसं जपून ठेव

नाहीतर मग घरात एखादा

रोबोट तरी आणून ठेव

 

रोबोटच्याच गळयात पडून

हसत जा,रडत जा

शांत झोप येण्यासाठी

दररोज गोळया घेत जा

 

दु:ख उरात दाबून वेडया

झोप येत नसते

हसत खेळत जगण्यासाठी

माणसांचीच गरज असते

 

इथून पुढे भिशी कर

हसण्याची अन् रडण्याची

हीच खरी औषध आहेत

डिप्रेशनच्या बाहेर पडण्याची 

माणूस काय करतो ?various type of poem